মহামানব

হে মহামানৰ তোমাৰ যাত্রা অবিৰত
প্রতিটো ঋতুতেই প্রতিটো প্রহৰতে
তোমাৰ জন্ম
অবিৰত তোমাৰ জন্ম
কোনো কালতেই স্থবিৰ নহয়
তোমাৰ যাত্রা
হৃদয়ৰ আশেপাশে মেৰিয়াই থকা
তোমাৰ আকাশীলতাৰো স্বপ্ন
তুমি প্রিয় প্রিয়তম
মা - নব
অতীত, বৰ্ত্তমান আৰু ভবিষ্যৎ
কেবল যাত্রাৰ জয়গান
তুমি পাহৰিব পাৰা
তোমাৰ পথৰ গতি
তুমি হেৰুৱাব পাৰা
তোমাৰ স্মৃতি
তোমাৰ তৃপ্তি
গন্ধ, স্পৰ্শ আৰু আলিংগন
এইয়াই ক্ষনিকৰ আত্মবিলুপ্তি
জন্ম - জন্মান্তৰে
তুমি মা - নব স্বীকৃতি ৷